Sombangku !
Napammopporam mamak jaidudu Sombangku
Ri dalleng lakbirikna
Ri empoang matinggina
Ri sakri karatuanna
Satuli-tuli kanangku Karaeng
Pangngainna laherekku
Pappattojenna batengku
Berang-ja kunipatebbak
Pangkuluk kunisoeang
Ikatte anging Karaeng
Na Ikambe lekok kayu
Ikatte jeknek Karaeng
Na ikambe batang mammanyuk
Ikatte jarung Karaeng
Na ikambe bannang panjjaik
Irokko anging
Na marunang lekok kayu
Takleko jarung
Na’minawang bannang panjjaik
Makkanamamakik mae
Na ikambe manggaukang
Manynyabbukmamakik mae
Na ikambe mappajari
Punna sallang takammaya
Aruku ri dallekanta
Pangka jerakku
Tinraki bate onjokku
Pinra arengku
Piassalak jari-jariku
Pauangi ri anak ri boko
Pasangi ri anak tanjari
Tumakkanayya
Na taena napakrupa
Sikammaji anne aruku ridallengkanta Karaeng
Dasi na dasi natarima paknganroku
Karena Allah – Amin
Ditulis ulang, Makassar 8 November 2015
Menyongsong Hari Pahlawan 10 November 2015

Leave a Reply

Alamat email Anda tidak akan dipublikasikan. Ruas yang wajib ditandai *

You may use these HTML tags and attributes:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>